​Lífsstílslæknir

Kjartan Hrafn Loftsson

Almennur læknir með mikla reynslu úr heilsugæslu og lífsstílsnálgun til að hægja á eða stöðva framþróun langvinnra kvilla.

​

Kjart­an út­skrifaðist úr lækna­deild HÍ árið 2007 og hef­ur unnið sem heilsu­gæslu­lækn­ir í tæpan áratug, bæði í Svíþjóð og á Íslandi. Einnig hefur hann verið trúnaðarlækn­ir fyr­ir fyr­ir­tæki og stofn­an­ir, lækn­ir á hjúkr­un­ar­heim­il­um og rann­sókn­ar­lækn­ir hjá Íslenskri erfðagrein­ingu. Haustið 2020 hóf hann störf sem lækn­ir hjá stafræna heilbrigðisfyrirtækinu Si­dekickHealth og vann þar við uppsetningu á rannsóknum og klínískri þóun stafrænna meðferðarúrræða vegna langvinna sjúkdóma. 
 

Frá 2014 hefur Kjartan verið sér­stak­lega áhuga­sam­ur um áhrif lífs­stíls á heilsu og sjúkdóma, en jafnframt að komast að rót vandans þegar það er mögulegt og beita lífsstílsúrræðum sem oftar en ekki hafa áhrif á mörg einkenni. Öll erum við mismunandi og því er oft nauðsynlegt að sérsníða meðferð að hverjum og einum. Fyrir marga snýst lífsstíll um bætta heilsu á efri árum og þar með forvörnum eða vinna að því að seinka aldurstengdum sjúkdómum en fyrir aðra getur lífsstílsmeðferðin snúið við þróun þeirra, minnkað þörf fyrir lyf og bætt lífsgæði.

​​

Lífsstílslæknir

Tekla Hrund Karlsdóttir

Almennur læknir með sérstakan áhuga og færni í að tengja saman flókin einkenni og hefur mikla heildræna yfirsýn. 

​

Tekla útskrifaðist úr læknadeild HÍ árið 2012 og síðan þá hefur unnið sem heilsugæslulæknir, endurhæfingarlæknir á Reykjalundi og deildarlæknir á barna- og unglingageðdeild um tíma. Þá var hún rannsóknarlæknir hjá Íslenskri erfðagreiningu í rúm 2 ár og tók meðal annars virkan þátt í skimunum og rannsóknum á eftirköstum vegna Covid-19. Frá 2021 hefur hún starfað sem læknir hjá stafræna heilbrigðisfyrirtækinu Sidekick Health við að búa til meðferðarúrræði á rafrænu formi fyrir einstaklinga með fitulifur og aðra tengda efnaskiptasjúkdóma.

Samhliða vinnu síðastliðinna ára hefur hún einnig verið meðlimur í evrópskum rannsóknarhóp á síþreytu eða EMERG (European ME Research Group). Áhugasvið Teklu á læknavísindum er breytt og spannar allt frá toppi til táar en hún hefur sökkt sér í efnaskiptaheilsu sem og tengingu hennar við ýmsa flókinna langvinna einkennamynda eins og ME(Síþreytu), vefjagigt og POTS ofl.